7. หตฺถาโรหปุตฺตตฺเถรคาถา
[77]
‘‘อิทํ ปุเร จิตฺตมจาริ จาริกํ, เยนิจฺฉกํ ยตฺถกามํ ยถาสุขํ;
ตทชฺชหํ นิคฺคเหสฺสามิ โยนิโส, หตฺถิปฺปภินฺนํ วิย องฺกุสคฺคโห’’ติฯ
… หตฺถาโรหปุตฺโต เถโร…ฯ
8. เมณฺฑสิรตฺเถรคาถา
[78]
‘‘อเนกชาติสํสารํ , สนฺธาวิสฺสํ อนิพฺพิสํ;
ตสฺส เม ทุกฺขชาตสฺส, ทุกฺขกฺขนฺโธ อปรทฺโธ’’ติฯ
… เมณฺฑสิโร เถโร…ฯ
9. รกฺขิตตฺเถรคาถา
[79]
‘‘สพฺโพ ราโค ปหีโน เม, สพฺโพ โทโส สมูหโต;
สพฺโพ เม วิคโต โมโห, สีติภูโตสฺมิ นิพฺพุโต’’ติฯ
… รกฺขิโต เถโร…ฯ